Arbeidsterapeut
Occupational Therapist
in Vereeniging

Die woord arbeidsterapie kan jou maklik mislei om te dink dat arbeidsterapeute mense met werkverwante (beroepsverwante) haakplekke in hulle lewe help. Arbeidsterapeute doen dít ook. Maar hulle doen baie meer.

Die arbeid in arbeidsterapie verwys na enige iets wat mense moet kan doen. ‘n Kind moet op ‘n sekere ouderdom kan loop (loop = arbeid). ‘n Baba moet op ‘n sekere ouderdom ophou om lekse te gebruik en sy spiere reg te gebruik (spiere gebruik = arbeid). ‘n Persoon wat ‘n beroerte gehad het, moet weer leer om sekere handfunksies te gebruik (= arbeid).

Wanneeer jy arbeidsterapie op hierdie manier verstaan, sal jy verstaan hoe breed die veld van arbeidsterapie regtig is. Dit het in werklikheid te make met enige plek in jou lewe waar jy (vir dit soverre dit dinge aangebetref wat jy moet kan doen) vashaak. Op sulke plekke help die arbeidsterapeut jou dan om meer funksioneel te word.

Daarom is daar baie kante aan arbeidsterapie…

Die werk wat ‘n arbeidsterapeut doen

Die arbeidsterapeut is ‘n professionele persoon wat mense (jonk en oud; gestremd en normaal) help om meer funksioneel te wees (die lewe meer suksesvol te hanteer). En hulle doen dit oor ‘n breë spektrum van aktiwiteite: van selfversorging tot werksaanpassings; van die beplanning van alledaagse take tot beter skoolprestasie; van die bestuur van sensoriese waarnemings tot interpersoonlike verhoudings.  Die doel van hulle werk is om kliënte se potensiaal te ontsluit en hulle te bemagtig om binne hulle omstandighede en vermoëns optimaal te funksioneer… (lees meer oor arbeidsterapie)

Gee jou vroeggebore (priem) baba die beste kans…

‘n Vroeggebore baba word voortydig uit die ideale ontwikkelingsomgewing geruk… en sukkel daarom om te oorleef, aan te pas en normaal te ontwikkel. Daarom is plaas ‘n priem baba geweldige spanning op ‘n gesin en vra dit gespesialiseerde versorging om die ontwikkeling van die baba te stimuleer. Lees meer oor die arbeidsterapeut se bydrae tot die versorging en ontwikkeling van die priem baba…

Stimuleer jou baba se ontwikkeling…

Daar is baie faktore wat kan voorkom dat ‘n baba die mylpale in normale ontwikkeling op die regte tyd bereik, onder andere die feit dat ouers nie verstaan watter tipe aktiwiteite normale ontwikkeling stimuleer nie. Indien die kind dan ‘n agterstand ontwikkel het, blokkeer dit nuwe fases van ontwikkeling en nuwe mylpale wat bereik moet word. Die rol van die arbeidsterapeut is juis om sulke agterstande te identifiseer en deur die regte, gegradeerde terapie die kind te help om dit te oorkom. Lees meer hieroor…

Sluit die wêreld vir jou kind oop…

Wanneer kinders skoolgaande ouderdom bereik, ontdek ouers dikwels dat hulle kinders nie ryp of gereed is daarvoor nie. Onder andere omdat hulle nie hulle aandag kan fokus nie, nie sensoriese prikkels reg verwerk nie, probleme het met lateraliteit het, ensovoorts. En indien hierdie probleme nie vroegtydig en effektief aangespreek word nie, kan dit hulle hele skoolloopbaan belemmer. Lees meer hieroor…

Arbeidsterapie in die lewe van die volwassene

Probleme om sensoriese prikkels reg te verwerk, skep by die volwassene probleme soos verhoogde irritasievlakke, swak uithouvermoë in werksituasies en verhoogde spanning in interpersoonlike verhoudings. Met die regte hulp kan dit bestuur en oorkom word. . Lees meer hieroor…

   Die fokus van my werk as arbeidsterapeut en die arbeidsterapie wat ek doen…

Binne die breër veld van arbeidsterapie fokus hierdie privaatpraktyk

1. op pediatriese arbeidsterapie, met ander woorde op terapie wat kinders help om blokkasies in hulle ontwikkeling, daaglikse funksionering en skoolwerk  te oorkom, asook om hulle te begelei om hulle potensiaal beter te ontplooi;
2. Op hulp aan volwassenes wat probleme met sensoriese integrasie en interpersoonlike verhoudings (onder andere huwelike) ervaar

Om daarmee te help, bied die praktyk:

• Omvattende evaluasies;
• Ontwikkeling van behandelings-programme gebaseer op die behoeftes van die persoon;
• Tuisprogramme waar nodig;
• Opleiding van ouers en “caregivers” om die kind se ontwikkeling tuis te stimuleer;
• Spanbenadering saam met die dokter, fisio- en spraakterapeut; en
• Gespesialiseerde behandeling van priem babas, serebraal gestremdes en kinders wat probleme het met sensoriese integrasie.

Kontak my…

Selfoon: 072 1965 230

Beste tye om te kontak:

Soggens tussen 07:30 en 08:00

Saans tussen 18h00 en 19h00